Rugpyn
Rugpyn is iets wat baie mense ervaar in hulle lewe. Daar is baie dinge wat rugpyn kan veroorsaak.
Dit is belangrik om die anatomie (of struktuur) van die rug / ruggraat te verstaan. Die ruggraat bestaan uit:
- benige werwel
- wat deur 'n kraakbeenskyf geskei word (die blou skyf in die diagram)
- die rugmurg (geel) wat die senuwees bevat wat u spiere aktiveer en u op u vel kan laat voel
- senuwees wat die rugmurg verlaat deur klein gapings in die been om u spiere en vel te bereik
- ligamente en spiere
Soos 'n mens ouer word, begin die bene en kraakbeen (die blou deel) 'ontaard', dit wil sê dat dit 'n bietjie begin afbreek en sy oorspronklike krag en vorm verloor. Hiermee kan probleme in die struktuur van die ruggraat ontstaan. Dit kan lei tot rugpyn.
Soms kan die senuwees wat die rugmurg verlaat, deur die bene of kraakbeen geknyp word, wat lei tot pyn wat in u been ingaan.
Onderrugpyn
Onderrugpyn gebeur dikwels in volwassenes en word ‘meganiese rugpyn’ genoem. Dit kom voor omdat die onderrug deur baie bewegings onder spanning geplaas word.
Hierdie vorm van pyn in die onder-rug is meestal te wyte aan oormatige spanning, veral as gevolg van swaar liggaamsgewig. Daarom kan 'n mens hierdie vorm van rugpyn voorkom en genees deur te verseker dat u gewig binne die normale omvang is. Gebruik die afdeling 'Gewigsdoel' in hierdie App om uit te vind of u gewig moet verloor.
Ander tipe rugpyn
Daar is ook ernstige oorsake van rugpyn. Hieronder is 'n lys simptome of tekens wat aandui dat u ‘n dokter moet sien.
- Blaas- of derm omgekrapting (retensie / hardlywigheid)
- Gevoelloosheid van die boude of bene
- Been swakheid of probleme met beweging
- Onlangse besering
- Skielike erge boonste maagpyn met naarheid of braking
- Pyn in die middelste gedeelte van u rug
- Of as u daarby hoes, nagsweet, gewigsverlies of koors ervaar
- As u jonger as 20 of ouer as 55 jaar oud is
- As die pyn konstant is en erger word
- As u al voorheen kanker gehad het
Gaan na u naaste kliniek as u een van die bogenoemde saam met u rugpyn ervaar.
