Hoekom is dit belangrik om gereeld te oefen?
Oefening is 'n belangrike manier om gesond te leef. Dit verminder die kans om die volgende te kry:
- hartsiekte
- beroertes
- suikersiekte
- erektiele disfunksie
- hoë bloeddruk
- sekere kankers
- Dit kan ook help met angs, depressie en stres.
Aanbevelings
- 150 minute oefening/fisiese aktiwiteit per week word aanbeveel, maar meer oefening is beter. Jy kan byvoorbeeld vyf keer per week vir 30 minute oefen. Of jy kan weekliks 75 minute strawwe oefening doen.
- Dit is ook goed om oefeninge te doen wat jou spiere sterk maak.
- Stap, dans, hardloop, swem en sport is 'n paar voorbeelde van goeie oefening.
- Selfs huishoudelike take soos tuinmaak, vee, klere met die hand was, kan 'n goeie vorm van fisieke aktiwiteit wees.
- Klim vroeër van die vervoer af wat jy gebruik om die res van die pad huis toe te stap of gebruik die trappe in plaas van die hysers om meer oefening te kry.
- Jy kan saam met familie of vriende oefen om dit meer pret te maak.
- As jy lang ure werk en meestal tuis is wanneer dit reeds donker is, beveel ons aan dat jy 'n paar oefentutoriale aanlyn vind wat geskik is vir jou vlak van fiksheid en beskikbare spasie.
Oefening, besering en veiligheid
Dit is belangrik om veiligheid in ag te neem wanneer jy oefen. Probeer om nie jouself seer te maak terwyl jy oefen nie – oefening moet pret, gemaklik en veilig wees – jy moet stop as jy pyn voel of jouself beseer het. Opwarming voor oefening en strek na oefening kan help om beserings te voorkom. Moenie kompromie aangaan oor jou vorm en tegniek van jou oefening om jou liggaam harder te probeer druk nie.
Dit is belangrik om 'n dokter te sien oor enige beserings wat jy het. As jy nie na jou beserings omsien nie, kan dit jou keer om te oefen en kan dit tot langtermynskade lei.
Die feite
'n Groot studie het bevind dat diegene wat nie volgens bogenoemde aanbevelings geoefen het nie, 'n groter risiko het vir baie gevaarlike siektes. Die resultate word hieronder opgesom. Diegene wat nie geoefen het soos aanbeveel nie, was:
- 16% meer geneig om koronêre hartsiekte te ontwikkel (wat tot hartaanvalle kan lei)
- 20% meer geneig om tipe 2-diabetes te ontwikkel
- 33% meer geneig om borskanker te ontwikkel
- 32% meer geneig om kolonkanker te ontwikkel
- 28% meer geneig om aan enige siekte te sterf
in vergelyking met diegene wat volgens die aanbevelings oefen.
Dit is belangrik om daarop te let dat die ontwikkeling van hierdie siektes ernstige skade aan jou gesondheid en lewenskwaliteit kan veroorsaak. Elkeen van hierdie siektes bring 'n hele klomp ander gesondheidsprobleme mee.
References
World Health Organization. Global recommendations on physical activity for health. Geneva, Switzerland: WHO; 2010.
Lee et al., Effect of physical inactivity on major non-communicable diseases worldwide: an analysis of burden of disease and life expectancy. Lancet July 2012.