Uyini Umfutho Wegazi Ophakeme?
Imithambo yakho yegazi isebenza njengamapayipi egazi. Igazi ligeleza emithanjeni ngomfutho othile oqondile. Umfutho Wegazi Ophakeme, noma i-Hypertension, wenzeka lapho umfutho wegazi lakho emithanjeni ukhushulwa. Umfutho Wegazi Ophakame ubizwa ngokuthi “umbulali othule” ngoba abantu ngokuvamile abazi ukuthi banawo kuze kube yilapho ubangela inkinga ethile enkulu (bheka ingxenye ethi: kwenzekani lapho ingelashwa). Umfutho Ophakeme Wegazi ungasongela ukuphila.
Inani lomfutho wegazi elingaphezu kuka-140/90 mmHg ezikhathini eziningi ubhekwa njengomfutho ophakeme wegazi. Lokhu kuyahlukahluka ngokuhamba kwesikhathi ngokuvumelana nezibuyekezo zombhalo.
Izici Eziyingozi
Izici eziningi zandisa ingozi yokuba Nomfutho Wegazi Ophakeme, izingozi ezivamile kuba:
- Ukubhema
- Ukukhuluphala ngokweqile
- Ukungazivocavoci
- Ukudla izinto ezinosawoti omningi kanye nokudla okuprosesiwe
Izimpawu
Izimpawu Zomfutho Ophakeme Wegazi ngokuvamile azicaci, okwenza kube nzima ngabantu ukuqaphela ukuthi banazo. Yingakho kubalulekile ukuba uwuhlole njalo umfutho wegazi. Sebenzisa okuthi Imigomo ku-app ye-Mandla ukuze urekhode futhi uqaphe umfutho wakho wegazi.
Lapho isifo sibucayi, kungavela lezi zimpawu ezilandelayo:
- ukuphathwa yikhanda
- izinkinga zokubona
- ukumongoza
- ubuthaka nokuba ndikindiki kwezitho zomzimba
Ukuvimbela Nokulawula
Ukudla kahle nangendlela enempilo kubaluleke kakhulu, nciphisa inani likasawoti udle kuphela ithisipuni elingu-1 ngosuku.
Yidla izithelo nemifino ehlukahlukene nsuku zonke futhi unciphise inani lamafuthi nowoyela owudlayo.
Utshwala nokubhema nakho kungabangela umfutho wegazi ophakeme, ngakho zama okusemandleni akho ukukunciphisa lokhu.
Uma ukhuluphele, zivocavoce futhi udle ngendlela enempilo ukuze unciphise ukukhuluphala kube sezingeni elinempilo.
Funda izincwajana zethu ezimayelana nomsoco, ukuzivocavoca, utshwala kanye nokubhema ukuze ufunde okwengeziwe.
Ukwelashwa
Isinyathelo sokuqala esibalulekile sokwelapha umfutho ophakeme wegazi ukuthuthukisa indlela ophila ngayo. Njengoba kuchaziwe ngenhla, ukudla ngendlela enempilo, ukuzivocavoca kanye nokuyeka ukubhema notshwala kuyizinyathelo ezinkulu zokwelapha umfutho ophakeme wegazi.
Ukhona umuthi ongawuthatha ukuze ulawule Umfutho Ophakeme Wegazi. Kunezinhlobo eziningi ezihlukahlukene zemithi ongayinikezwa umhlinzeki wakho wezokwelapha, njengalena:
- Ama-ACE inhibitors (ngokuvamile i-enalapril) ukuze kuncishiswe umfutho wegazi futhi kuthuthukiswe ukusebenza kwezinso
- Ama-Beta blockers kanye nama-calcium channel blockers (ngokuvamile i-amlodipine) ukuze kuncishiswe umfutho wegazi
- I-Diuretics ‘amaphilisi amanzi’ (ngokuvamile i-Ridaq) ukuze kuncishiswe amanzi amaningi ezinsweni.
Yini engenzeka ngaphandle kokwelashwa?
Umfutho ophakeme wegazi ungalimaza amalunga abalulekile. Ungabangela ukushaywa unhlangothi engqondweni yakho ngokuthi uvimbele noma uqhumise imithambo. Enhliziyweni yakho, ingavimbela nokuthunyelwa kwegazi kumamasela bese kubangela izinhlungu esifubeni, ukuhluleka kwenhliziyo ukufutha igazi elanele kanye/noma ukushywa yinhliziyo. Umfutho wegazi ophakeme ungalimaza nezinso zakho, ezidlala indima ebaluleke kakhulu ekususeni ubuthi egazini lakho.
