Iyini i-FASD?
I-Fetal alcohol spectrum disorders (FASD) yiqembu lezinkinga zempilo ezivela kumuntu uma umama wakhe ebephuza utshwala ngesikhathi ezithwele yena. Imithelela ingaba ngokomzimba, ngokokuziphatha kanye nokuphazamiseka kokukwazi ukufunda. Esikhathini esiningi, abantu abane-FASD baba nengxube yalezi zinkinga. INingizimu Afrika inenani eliphakame elibikiwe le-FASD.
Kwenzekani lapho umuntu ephuza utshwala ngesikhathi ekhulelwe?
I-FASD iwumphumela wokuphuza utshwala phakathi nokukhulelwa. Lapho utshwala bungena egazini lomuntu okhulelwe, buyahamba buye enganeni engakazalwa. Lokhu kungaba nemithelela elimazayo embungwini osakhula kanye nasengqondweni esakheka.
Izimpawu nezinkinga ze-FASD
Ezingomzimba
- Isisindo esiphansi somzimba
- Ukuba mfushane ngaphezu kokuvamile
- Ikhanda elincane
- Ukubukeka kobuso ngendlela engavamile, njengamehlo amancane, udebe olungenhla oluncane kanye nokuba bushelelezi kwendawo ephakathi kwekhala nodebe olungenhla (le ndawo ibizwa ngokuthi yi-philtrum)
Ukusebenza nokuziphatha
- Umzimba awusebenzi ngendlela ehlelekile
- ukukhishwiza ngokweqile
- ubunzima bokugxilisa ingqondo
- ukukhohlwa
- izinkinga zokufunda
- ukubambezeleka kokukhuluma nokufunda ulimi
- ukungakwazi ukucabanga nokwahlulela
- izinkinga zokulala nokumunca ngesikhathi iwusana
- izinkinga zokubona noma zokuzwa
Ukuvimbela
Ukuze uvimbele ingane yakho ukuba ibe ne-FASD, kumelwe ungaphuzi lapho ukhulelwe. Asikho isikhathi ongathi ngaso sekwephuzile ukuyeka ukuphuza utshala uma umuntu ephuza ngesikhathi ekhulelwe. Lapho ushesha ukuyeka ukuphuza utshwala, iba ngcono imiphumela enganeni.
Ukulawula
Ayikho indlela yokuqeda i-FASD. Nokho, izindlela zokwelapha isencane ingane zingasiza ekuthuthukeni kwengane:
- Yisa ingane okhathazeke ngayo isencane emtholampilo noma kudokotela ukuze isheshe ihlonzwe futhi ibhalisele nesibonelelo sokukhubazeka
- ikhaya elinothando nelikhathalelayo
- ukubandakanyeka emfundweni ekhethekile
Yisa ingane okhathazeke ngayo isencane emtholampilo noma kudokotela ukuze isheshe ihlonzwe futhi ibhalisele nesibonelelo sokukhubazeka
I-NGO, i-FASFacts ifundisa imiphakathi kanye nezwe lonkana mayelana nemiphumela yokuphuza utshwala lapho ukhulelwe ezinganeni ezingakazalwa. I-FASFACTS iphinde ibungaze lokhu:
I-Pregnant Women Mentoring Programme (PWMP)
I-PWMP iwuhlelo lwezinyanga ezingu-12 lokungenelela olusiza abesifazane abakhulelwe ukuba bagweme ukusebenzisa izidakamizwa ngesikhathi bekhulelwe nangesikhathi bencelisa. Sebenzisa ikhasi lezinsiza ezengeziwe ukuze uxhumane nalezi zinhlangano noma usebenzise izinombolo ezingezansi:
- Alcoholics Anonymous - 021 418 0908
- Al-Anon - 021 595 4517
- SANCA - 021 945 4080
- FASFacts - 023 342 7000
- Narcotics Anonymous SA - 083 900 6962
