Isifo sokuwa
Isifo sokuwa sisigulo semithambo luvo yengqondo esibonakala ngokuxhuzula.
Sithi sichazwe ngokuba sisifo sokuwa ekubeni umntu ethe waxhuzula kabini kwiyure ezingama-24 ngaphandle, kube singadibenanga nesinye isigulo kulomaxa omabini
Zohlukene iindidi zoxhuzula. Nobuzaza kunye nendlela yokuzi nyanga.
Inkxuzulo ingaphatha nabani na noba uneminyaka emingaphi kodwa iqala umntu engakafiki kwiminyaka eli shumi elinesibini .
Ayosuleli iyafana neswekile okanye nesifuba
Yenziwa yintoni inkxuzulo?
Unobangela wokuxhuzula awaziwa kubantu abaninzi. Ngamanye amaxesha yenziwa kulimala entloko, ufuzo, okanye intsholongwane esengqondweni.
Izinto ezibangela umntu axhuzule?
Abanye abantu bafumanisa ukuba inkxuzulo yabo ithi iqalwe zizinto ezithile. Imizekelo yezinto ezithi ziqale inkxuzulo
Ukuyeka ukutya ipilisi zenkxuzulo
Ukungalali ngokoneleyo
Uxinzelelo
Ezinye izigulo
Izibane ezidanyazayo
Ukubasexesheni nolunye utshintsho kwi hormones
Utywala neziyobisi
Zininzi iindidi zokhuxuzula apha ezantsi ngamagama azo
i-Tonic clonic/ grand mal
Zithatha umzuzu omnye okanye emithathu. Umzimba uyaqina okanye umntu abengathi umzimba uyahlasimla. Kulandele ukubhideka kwengqondo.
i-Absence
Ukujonga njee okuthatha imizuzwana ngamanye amaxesha kuhamba nokuqhwanyaza okanye ukuhlafuna.
i-Focal onset/ complex partial
Ukujama nenkangeleko yobhideka lomntu akayazi kwenzeka ntoni, ukuphela kwaso akazokhumbula ba bekusenzeka ntoni. Kuthatha umzuzu okanye emibini kulandele ubhideka kwengqondo
i-Focal onset/ simple partial
Ukuhlasimla komzimba kwindawo enye okanye kwindawo ezifana namehlo abantu abajongileyo kungenzeka bangayazi ba kuqhubeka ntoni lomntu uxhuzula uthi wakugqiba uxhuzula akhumbule yonke into ibisenzeka.
i-Atonic/drop attacks
Lomntu uyawa avuke emzuzwini
i-Myoclonic
Ukuhlasimla komzimba wonke ngokwesiquphe
Ungenzani ngezinto ezibangela uxhuzule
Ukuba uyazazi izinto ezibangela uxhuzule ungenza Oku:
Xelela umongikazi/mongi wakho
Qhubekeka ngokutya amayeza akho
Nciphisa utywala
Lala ngokoneleyo
Sela amanzi rhoqo
Yitya ukutya okusempilweni
Nciphisa istress
Gcina incwadi obhala kuyo uba uxhuzule kangaphi, kwathatha ixesha elingakanani, nokuba uxhuzule kangaphi enyakeni
Ungamnceda njani umntu oxhuzulayo
1. Hlala naye de agqibe ukuxhuzula azazi ba uphi. Jonga uba uthathe ixesha elingakanani, phola ujonge icard lase clinic nantoni na echaza ngesigulo sakhe.
2. Mkhusele umsuse endaweni enobungozi
3. Mlalise ngecala. Qinisekisa ungenelwa ngumoya, mkhulule impahla embambileyo entanyeni, umbekele into yoqamelela
4. Biza iambulance ukuba:
Kudlula imizuzu emihlanu esaxhuzula.
Akabuyeli ezingqondweni.
Ulimele, ukhulelwe okanye uyagula.
Uyaphinda phinda uxhuzula. Uyaqala uxhuzula.
Kunzima uphefumla
Uxhuzulela emanzini
5. Sukumfaka izinto emlonyeni.
Inyangwa njani?
Isifo sokuxhuzula silawulwa ngamayeza kunye nezinye iindlela zonyango ezijoliswe ekuthinteleni ukuxhuzula, okubizwa ngokuba lunyango lwe-anticonvulsant. Oku kumiselwa ngumboneleli wezempilo onelayisensi kwikliniki okanye esibhedlele esikufutshane nawe.
